O pasado sábado día 6 de maio celebrábase en Mera o XXXIII Tríatlon do Concello de Oleiros, proba de carácter popular na que os da AD. Fogar de Carballo e Oleiros estivemos representados por tres d@s nos@s triatletas, dous dos cales subían ao caixón dos premiados; Alexandre Rodríguez como 2º clasificado da categoría veteranos 1 e Pedro López como 3º clasificado da categoría júnior. Por outra banda este sábado día 13 de maio, Andrés Prieto desputaba en Caorle outra das probas da Copa de Europa de Tríatlon sobre distancia sprint na que remataba na 21ª praza da categoría elite. Andrés completaba a proba nun tempo de 51m51s como 2º mellor español na liña de meta e sendo o deportista máis novo en compretar o percorrido. E xa para rematar compre informar tamén da participación doutr@s 7 d@s nos@s o domingo no Tríatlon da Pobra, proba do Circuíto Galego onde Alexandre Rodríguez (Cat-Vet1), Rubén Otero (Cat-Jun) e Adrián Sancho (Cat-Xuv) remataban 4º mentres que Alba Otero (Cat-Sub23) era 7ª. Os resultados destas probas podédelos atopar no apartado de descargas tríatlon desta mesma web.