Aguilar de Campoo e Cedeira as citas desta fin de semana

Esta fin de semana @s triatletas da AD.Fogar de Carballo e Oleiros tomarán parte en dúas frontes competitivas dos calendarios de tríatlon e dúatlon. Mañán sábado día 10 de xuño a localidade de Aguilar de Campoo acollerá un dos clasificatorios para o Campionato de España de Tríatlon en Distancia Olímpica, onde Andrés Prieto tentará acadar a súa praza elite a partir das 17:15 horas. O mesmo sábado dende as 16:00 horas, 21 d@s nos@s triatletas de base representarannos en Cedeira no Campionato Galego de Dúatlon de Menores no que concursaremos con unha prebenxamín, catro benxamíns, cinco alevíns, seis infantís e tres cadetes. Compre subliñar tamén os resultados de tres dos nosos o pasado sábado día 3 de xuño no Clasificatorio de Tríatlon para o Europeo Youth celebrado en Madrid, onde Hugo Souto foi 5º, Oscar Alberte 20º e Joel Bracia 24º; resultados que podedes atopar no apartado de descargas tríatlon desta mesma web.