7 Mestres da AD.Fogar acoden ao Galego de Natación Open de Verán

O sábado 8 en sesión de tarde e o domingo 9 en dobre sesión de mañá e tarde, a Piscina Municipal Rosario Dueñas de Ourense acolle unha nova edición do Campionato Galego de Natación Máster Open de Verán que achegará ata a localidade ourensá a un total de 26 equipos e a cifra nada despreciable de 347 nadadores e nadadoras, 201 homes e 146 mulleres. A competición desenvolverase baixo a organización da Federación Galega de Natación e o CN.Pabellón Ourense. Nesta ocasión os da AD. Fogar de Carballo e Oleiros estaremos representados por un total de 7 nadadores e nadadoras (3 homes e 4 mulleres) que disputarán un total de 17 probas a título individual e unha substitución por equipos. As escuadras máis numerosas e por tanto os máximos favoritos na disputa dos títulos nas categorías masculina, feminina e conxunta son o CN.Rías Baixas, os anfitrións do CN.Pabellón Ourense, o CN.Portamiñá, o CN.Ponteareas e o CN.Travesas. Toda a información relativa a este Campionato Galego Máster de Verán pode consultarse na web da Federación Galega de Natación na ligazón https://www.fegan.org/mp/default/post/963 e tamén no arquivo adxunto a esta mesma nova.