3 Récords galegos, 3 do club e 11 medallas para os nosos Mestres

Sete Mestres da AD. Fogar e as súas seccións en Carballo e Oleiros disputaban os pasados 8 e 9 de xuño en Ourense, o Campionato Galego de Natación Máster de Verán onde lograban facerse cun botín de 3 récords galegos, outros 3 récords do club e 11 medallas; 7 delas de ouro, outras 3 de prata e 1 de bronce; tras callar un moi bo concurso autonómico. Os récords galegos eran para Elisa Pichel nos 200 metros costas e os 200 metros braza da categoría +35 anos, e para Cora Vinagre nos 200 metros costas da categoría +30 anos. Os récords do clube batíanos, Elisa Pichel nos 100 e 200 metros braza e Javier Fernández nos 50 metros libres. A título individual os nadadores máis laureados foron Javier Fernández con dous ouros e unha prata, Cora Vinagre con dous ouros e un bronce, Elisa Pichel con dous ouros, Isabel Pereira cun ouro e unha prata e Juan Méndez cunha prata. Os resultados deste Campionato Galego de Natación Máster de Verán poden consultarse no apartado descargas máster desta mesma web.