Sexto posto para o Fogar na Final Galega do Nada e Corre

O pasado domingo día 7 de abril de 2019, os 8 representantes das Escolas de Tríatlon de Base que a AD. Fogar promove en Carballo e Oleiros, dábannos unha nova alegría, esta vez en Ribeira e con motivo da disputa da Final Galega do Nada e Corre que remataba cos nosos rapaces como sextos clasificados na conxunta por equipos. A título individual os nosos triatletas de base máis destacados por entrar no top 10 eran: Hugo Souto que remataba como 8º alevín, Sergio Soto que era 5º infantil e Andrés Prieto como 6º cadete. Pero sen dúbida os mellores resultados para os da AD. Fogar chegaban da man de: Diego Souto, que levaba a prata en categoría prebenxamín, Manuel Souto que se facía co bronce da categoría alevín e Rubén Otero que era tamén bronce en categoría infantil. Os resultados desta Final Galega do Nada e Corre poden consultarse no apartado de descargas escola desta mesma web.