Campamento de Verán MERA TRI CAMP 2020

Desde a nosa sede en Oleiros facemos saber que estamos a ultimar os preparativos do MERA TRI CAMP 2020 que ano tras ano vimos organizando na Praia de Mera coa colaboración do Concello de Oleiros e a Deputación de A Coruña. Este ano farémolo nun formato máis reducido do habitual só dirixido a nen@s nad@s nos anos 2010 a 2014 ambos incluidos e atendendo as normas, protocolos e recomendacións sanitarias da Covid-19. Unha vez confirmada a participación d@s nos@s asociad@s e segundo a dispoñibilidade de prazas, no día de onte abrimos a quenda de inscricións para tod@s aqueles-as non afiliad@s interesad@s en participar das nosas actividades estivais. O campamento desenvolverase como de costume de luns a venres durante os meses de xullo e agosto, en horario matinal de 11 a 14 horas. No mesmo tomarán parte 30 nen@s de idades comprendidas entre os 6 e os 10 anos co obxectivo de pasar un verán divertido e dinámico baseado nas habilidades básicas e os valores propios do tríatlon, é dicir, a práctica da natación en augas abertas, o ciclismo e a carreira a pé. O privilexiado da contorna e a organización e control das actividades por parte dos nosos monitores e adestradores veñen sendo nos últimos anos unha garantía de éxito. Podedes confirmar as vosas reservas en liña picando AQUÍ e seguindo as instruccións do formulario de inscrición e no arquivo adxunto a esta mesma nova tedes tamén a información xeral e os protocolos do campamento.