100 Nadadores de base convocados ao Festival de Promesas

100 Nadadores de base das Escolas de Natación que a AD.Fogar promove nas localidades de Carballo e Oleiros, tomarán parte o vindeiro sábado día 7 de marzo de 2020, na segunda xornada do Festival Comarcal de Iniciación á Natación Competitiva que a propia AD.Fogar organiza en colaboración co Concello de Carballo, Carballo Deporte e a Deputación de A Coruña;  evento festivo-competitivo que suma xa os doce anos de existencia. A proba, que reúne na Piscina Municipal Carballo Calero a modo de exhibición e como iniciación á competición a nenas e nenos de idades comprendidas entre os 6 e os 12 anos, comezará ás 16:30 horas coa quenda de quecemento e estenderase aproximadamente ata as 18:00 horas, momento no que se premiará a todos os nadadores asistentes coa medalla acreditativa da súa participación. O programa da xornada inclúe as probas dos 25 e 50 metros libres, así como os 50 metros braza-crol na modalidade de pes e brazos en ambas as dúas categorías, a feminina e a masculina. En descargas escola desta mesma web podedes consultar a normativa do festival que é aberto tamén aos centros escolares e as escolas municipais de natación das Comarcas de Bergantiños e As Mariñas.