Nuno Moure novo campión galego sub 20 de medio maratón

O pasado domingo día 30 de novembro celebrouse o Campionato de Galicia de Medio Maratón coincidindo co III Medio Maratón do Concello de Vilagarcía de Arousa, proba na que contamos coa participación de Nuno Moure Fernández entre os preto de 350 atletas inscritos á proba. O noso que pertence á categoría sub 20 callou unha máis que destacada actuación gañando o ouro da súa categoría e rematando na 7ª praza absoluta cun tempo de 1 hora, 8 minutos e 51 segundos a ritmo de 3 minutos e 15 segundos o quilómetro. Con esta mellor marca persoal Nuno volveu a bater o récord absoluto do club e acadou a mínima para o nacional absoluto da distancia.
Os resultados deste medio maratón do III Medio Maratón Concello de Vilagarcía de Arousa, podédelos atopar no apartado descargas atletismo desta mesma web.

#aindasenpistahaiatletismo