Os Infantís abren o calendario de competicións en Carballo

O vindeiro sábado día 27 de Outubro de 2018 a Piscina Municipal Carballo Calero en Carballo, será a sede que acolla desde as 15:30 hs a 1ª Xornada da Liga Galega Infantil de Natación baixo a organización da Fegan e a AD.Fogar en colaboración co Concello de Carballo e Carballo Deporte. A categoría infantil reúne ás nenas nadas nos anos 2004 e 2005 (13 e 14 anos) e os nenos nados en 2003 e 2004 (14 e 15 anos). Os da AD. Fogar de Carballo e Oleiros que a pasada campaña fomos 11º de 26 clubes, debutaremos nesta nova campaña cun equipo formado por 7 nadadoras e 12 nadadores, englobados no Grupo C co CN.Arteixo, Club do Mar, CN.Coruña, CN.Liceo, CN.Santiago o Hércules Termaria e a ADT.Oleiros e co obxectivo de clasificarnos entre os 10 mellores. Na xornada do sábado nadaranse as probas individuais dos 50, 200 e 1500 libres, os 100 bolboreta, os 200 costas e braza e os 100 e 400 estilos, ademais das remudas femininas e masculinas dos 4x100 estilos. Os nosos nadarán un total de 38 probas individuais (13 en categoría feminina e 25 na masculina) e 4 remudas (1 feminina e 3 masculinas). A convocatoria dos nadadores de Carballo e Oleiros e a lista de saídas desta 1ª Xornada da Liga Galega Infantil de Natación atoparédelas adxuntas a esta mesma noticia.