Os Alevíns da ADFogar nadan mañá na Municipal Carballo Calero


 21 Decembro, 2018   Natación 

Os Alevíns da ADFogar nadan mañá na Municipal Carballo Calero

Mañá, sábado día 22 de decembro de 2018 a Piscina Municipal Carballo Calero en Carballo será a sede que acolla desde as 15:30 hs a 2ª Xornada da Liga Galega Alevín; categoría na que os da AD.Fogar de Carballo e Oleiros imos 13º dos 28 equipos que están a tomar parte na mesma. A categoría alevín congrega esta tempada ás nenas nadas nos anos 2006 e 2007 (12 e 13 anos) e os nenos nados en 2005 e 2006 (13 e 14 anos). Para esta segunda rolda aliñaremos un equipo de 28 nadadores e nadadoras, dos que 16 pertencen á categoría feminina e os 12 restantes á masculina. Entre os nosos obxectivos está o de loitar por meternos entre os 10 mellores equipos da táboa galega; e para iso nesta segunda xornada mediremos as nosas forzas cos equipos do CN.Arteixo, o Club do Mar, o CN.Coruña, o CN.Culleredo, o CN.Liceo, o CN.Casino, e o H.Termaria; nun programa de probas que inclúe os 200 e os 800 metros libres, os 100 metros bolboreta, costas e estilos e as remudas dos 4x100 metros libres nas categorías feminina e masculina. O sumario de participantes, a nosa convocatoria e a lista de saídas do sábado están dispoñibles no arquivo adxunto a esta mesma noticia. Ademais no apartado de descargas natación desta mesma web podedes atopar a normativa da liga alevín e clasificación da tempada pasada. 

Xunta de Galicia - Conselleria de cultura e deporte Diputacion da Coruña Concello de Carballo Patronato deportivo de Carballo Concello de Oleiros Oleiros Deporte Carballo a un Paso Federación española de tríatlon
Federacion gallega de tríatlon Federacion española de natación Federación gallega de natación Real Federación Española de Atletismo Federación Galega de Atletismo

Utilizamos cookies propias y de terceros para optimizar tu visita. No utilizamos cookies para recoger información de carácter personal.

Puedes permitir su uso o rechazarlo y cambiar su configuración cuando lo desees.

Cerrar

Más información en nuestra Política de Cookies.